I duh ni rawh !! (Matric pass hlimte pual)

A hmasa berin mi tam tak lo tan thinna in pass chhuak ta hi ka lawmpui che u a. Amaherawh chu nangni aia pass chhuak hmasa hi an tam tawh lutuk tih hi hre phawt ula ka duh a ni. Distinction-a pass-a Top 10-ah i lang a ni emaw, 3rd -a pass tawng tawng i nih pawhin hei hi chhiar chhuak la ka duh a ni. Tunah khan enge nih i tum le? 

Tunah khan eng ang chiah in nge i hma lam a zir leh i tum le? I tui loh pui i zir chuan nangmahah nunhlimna a thlen ngai dawn lo che tih hi hre rawh. Pass that em vanga Science lak ngawt i tum a nih chuan ngaihtuah that a tul khawp ang le. Chutih rualin Arts lak vanga zirlai awl ta viau lah a ni hek lo.
Ka thian tha tak tak zingah matric mark tha hmuh avanga Science la, zir chhuak leh si lo ka hre nual a, chuvangin ka hrilh lawk che u a ni e.Mahni tui zawng leh thiam zawng tak zir hi a nuam a, dam chhunga hna thawh tur - i tui lohna i thlang a nih chuan i la inchhir ngei ang.

Tunah chuan Dortmund chuan semi-final result tha tak neiin Champions League Final an lut a, Bayern pawh an rawn lut ve ang. Mahse khawi emaw zawk zawk chauh an Champion dawn a, semi final result tha chu Semi - final atan a tawk. Chuvangin nang pawh, i class 10 result tha kha chu class 11 luhnan khan a tawk em em  a, 11 ah tha taka i tih leh si loh chuan imatric result khan engtin mah a chhan thei dawn lo che tih hre reng ang che.

Zirlai te u, tun kha i tana kawng inhawn lai tak a ni a, bawhpelh suh ang che. Ngaihzawng neih te sual a ni lo, mahse, nupui/pasal i neih hun tur ngaihtuah la, chumi hma chumi huna i neih chuan a tawk mai lovem ni? Zirlai tam tak nun tichhetu a ni tih i hre reng dawn nia.

Class 12 ah Science emaw arts i laka a hnu zela i zir theih tlem ka rawn tarlang dawn a, mi tam zawk chuan a aia tha in hre teuh ngei ang. MBBS, engineering, Law, etc..khwnge an ti ngei ang. Mahse, zir tur chi hrang hrang a lo awm a ni tih leh, kan tuina/thiam zawng ang zela kan inhruai hi a hun tak zet zet tawh a ni.

Marine Conservationist: Heng ho thawh ber chu tui chhunga thilnung chi hrang hrang venhim leh enkawl a ni ber a.Marine Conservationist hi tur chuan Class 11 leh 12 ah PCB zir chuan hnuah colege levela-a Marine biology/ecology zir a finthlak hle ang. A hna a tui chilh tak tak lo tan chuan chauh thlak tak a ni thei ang. He lama zirna tha te chu  : Goa  University,  University of Calcutta, Annamalai University.

Disc Jockey : Rimawi lama tuimi te tan chuan thlan ngei chi a ni. Class 12 level-a i zir a pawimawh loa, amaherawhchu, class 10 zawh veleh hian basic DJ course zir tur a awm bawk. Basic DJ course zir zo chuan professional DJ a tanpui thei a. Tin, Graduate-na tura college tha te : School of  Spin and Elitesound Station, Mumbai ; Spin Gurus DJ and Remixing Academy, New Delhi





Heng bakah hian ziah tur tam tak a la awm ang. Mahni tuina lam kan kal ngam hi a hun tawh hle.