Mango Shake

Vawiin ka haw chu ka dawr luhna thinah chuan ka lut kawi leh a, ni danga ka lawm em em thin leh ka lei ziah thin chu a lo awm ta lo. Chu mai a ni lo, a awm lo char char tawh ang a, nakum tun ang hunah chiah a awm tawh ang a tih chu!!

Engtin nge he thil hi ka hriat tan ka hre lo. Mahse, nitin zantina in thinin a tel lova awm harsa a tih dan tur chu i hriatthiam ka ring. Tlai inkhelh chauh hnap zawha in leh kea kal chauh deuha in chu a inang reng a. A tui dan a dang eih lo. Chak em em-a in han tui bikzia erawh hahipa sawi tham a tling ngei ang. Chhun  nisat vanglaia thingbuk hlima thut paha han in khawlh khawlh phei chu a ropui thlawt asin. I la hre ve lo a nih chuan nakumah i ti ve chhin dawn nia. Kuminah chuan a theih tawh tlat loh.


Theihai hmin chu an her sawm a, chini leh bawnghnute nen, vur tui tui tak nen, khawlum chu a va chhawk tak em!!
Damten Khuanu`n rem a tih chuan nakum lamah kan hmu leh ang a, chumi hma chu ka nghah a tul dawn ta a nih hi. A tawp nan vawi khat chiah kan in leh ang e.

no khat chiah.....